ياغصن عالى
ورقه دبل وسقط
ياغصن من كتر همومه
فاض بيه الكيل واتنقط
حزنك فى قلبك ياضعيف
هاتبينه ...؟!
روح واكتمه
وماتخفش من الخريف
وكلام الناس تخاريف
واتقل واجمد واتظبط
رايح تدفى بالقمر
ليه ...؟!
دى الشمس طالعه آيه
معول يشق الحجر
تغرس بذور الامل
تنبت براعم قدر
لم تمسها أيدى بشر
استنى الراوى ياغصن
واستنى المطر.
الحلزونه والحلزون
اتقابلو فى خرم الاوزون
الحلزونه جوه متاهه
والحلزون لما استناها
هربت وقعت جوه البير
السما بتمطر مسامير
الحلزون مكبوت واسير
الحلزونه انتحرت فجأه
والحلزون خبطته عربيه
عدت فى ميدان التحرير
----------------------------------------------
هاقول كل حاجه
هاقول كل حاجه
هاغنى واهوهو
هامأمأ واصوصو
هانهأ وانونو
لكن فى النهايه بحب السنونو
باحب السنونو
امضاء الشاعر الولهان
رسائل أحدث رسائل أقدم الصفحة الرئيسية
الاشتراك في:
التعليقات (Atom)
