سمعتُ صوتاً هاتفاً في السحر

دايما باتنرفز لما بالاقى المعامله اللى زى الزفت من العرب لينا_مش عارف ليه_و تلاقى كره من تونس وقله اصل من السودان وليبيا وتكبر وغطرسه من الخليج كله خاصه الامارات والسعوديه مع اننا اصحاب افضال كتير جدا عليهم وده طبعا مكتوب بأحرف من ذهب فى التاريخ يعنى اولا ساعدنا تقريبا كل الدول العربيه فى الاستقلال و مساعدات ماديه و موارد بشريه بأقصى الدرجات ومسانده فى الحروب , ودايما بيكونوا هم سبب المصايب لينا ويوحلونا فى بلاوى سوده من مشاكل مع الغرب زى ماكان فى العدوان الثلاثى وغيره

وطبعا لما تيجى تسال أى مصرى_ خصوصا الناس الكبيره_ تلاقيه يقولك بكل ثقه : علشان احنا احسن منهم !
مش عارف جابوا الثقه دى منين , ماعلينا .. المهم تلاقى مقابل الحقد العربى المبالغ فيه طيبه مصريه تقترب الى حد ( العبط) نقابل تكبر الخليج بتواضع اكثر وموش بكبرياء , وكره المغرب العربى بحب برضه مبالغ فيه
و اخرها كان امبارح من السودانيين لما ضربوا الصحفيين المصريين وماخدوش بالاخوه العربيه اللى احنا متمسكين بيها وبنتغنى بيها فى كل مصيبه , وده بياخدنا تانى لما الاهلى خسر من الهلال تلاته وتشوف المانشيتات فى الصحف بتاعتهم
بلاوى يمكن كان اشده واحد عبيط منهم قال بلا نيل بلا نيله طيب ايه علاقه الكوره بالنيل والاهرامات ؟
هى حرب.. مش عارف حاجه غريبه جايز يكون غباء من الاخرين علشان مابيفهموش

وللى تعبنى اكتر المعلق المصرى امبارح زى مايكون بيشجع السودان لو كره ضاعت منهم يزعلهم ، ولو احنا جبنا جون يقول اكيد الفريق السودانى هايشد حيلو ويجيب جون !!ا
مش عارف هل الحب المبالغ فيه ده حقيقى وللا لا اعتقد انه حقيقى لاننا طيبين ومابنشيلش لحد ومابنعرفش نكره زيهم مش عارف ده وعى شديد ولا سذاجه مفرطه ؟ جايز الاتنين .. جايز!ا